Алтын күз

Күз – табиғаттың ең бір көркем де бай мезгілдерінің бірі. Бұл уақытта айнала сары, қызыл, алтын түстерге боялып, жер беті ерекше әсем күйге енеді. Сондықтан да халық бұл мезгілді «алтын күз» деп атайды. Ағаш жапырақтары сарғайып, жеңіл желмен сыбдырлап жерге төгіледі.Күз – береке мен молшылықтың мезгілі. Егін жиналып, қамба астыққа толады. Бақтарда алма, алмұрт, жүзім пісіп, дастарханымыз түрлі жеміс-жидекке байиды. Адамдар жаз бойы жасаған еңбегінің жемісін көріп, қуанышқа бөленеді.Бұл мезгілде ауа райы да өзгере бастайды. Күн салқындап, жаңбыр жиі жауады. Аспанды бұлт торлап, кейде тұман түседі. Құстар жылы жаққа ұшып, табиғат қысқа дайындала бастайды.