Қауіпсіз интернет күні

Қазіргі заманда интернет – білім мен ақпараттың негізгі көзі. Ол бізге әлемнің кез келген нүктесіндегі жаңалықтарды білуге, білімімізді арттыруға, достарымызбен байланыста болуға мүмкіндік береді. Алайда интернетті дұрыс және қауіпсіз қолдану – әр адамның міндеті.
Қауіпсіз интернет дегеніміз – жеке мәліметтерді қорғау, күмәнді сайттарға кірмеу, бейтаныс адамдармен абай болу. Әсіресе балалар мен жасөспірімдер үшін бұл өте маңызды. Себебі интернетте жалған ақпарат, зиянды контент және алаяқтар кездесуі мүмкін.